छठी मईया गीत

छठी मईया सुनलिहीई अरजियाआऽऽ,

करतनी निहोरा बारम्बार!

केकरा से कहिई ऐ माई होऽऽ आपन करेजवा के दुःखवाऽऽ ,

तूहे त माई हऊ हमार !

 

रउवा द्वारे खड़ा बिया एगो बाझिन ,

खोली देहूँ न केवार !

देही दीही न एगो हमरो के

लड्डु गोपाल होऽऽ

हरीअर होजाईई कोखऽ हमार !

 

देखी ऐ छठी मईया तनवा मारी ..मारी ,

हमरा पे ई हँसेलाआऽ ई जग संसार !

सुनाऽऽ बांटे हमार अंगनाऽऽ

सुखल बा अँचराआऽऽ ,

माई हमरो के कोई कहे ,

किलकारी से गूंजे हमरो दुवार !

 

हमहुं करेम छठी मईया राउर बरतिया ,

पियरी पहिन के सुपवा जोडवाआऽऽ ,

माई हो आऐम तोहरे दुवार !

देखी ऐ छठी मईया हमरो दुःखवा के ,

संवार दीही न फुटल करमवा हमार ,

सुनली ऐ छठी मईया हमरो गोहार !

 

  • पूजा गुप्ता “नेपाल “

Related posts

Leave a Comment